颈链泄“蜜” 丁子朗郭柏妍疑拍拖睇音乐节

etin

无綫小生丁子朗与上位小花郭柏妍传秘挞，虽然二人同声否认恋情，不过佢哋就时不时有“蛛丝马迹”，令人对二人关系生疑。近日中环举行一年一度国际大型音乐及多媒体艺术节，吸引唔少圈中人都有去听音乐。郭柏妍日前（6日）喺Story晒出去音乐节打卡片，当中就见到佢现场的摊位制作手工编织羽毛颈链。而丁子朗同日亦有晒出自己出席同一个音乐节，有眼利网民发现佢颈上饰物正正就同郭柏妍制作嘅饰物高度相似，加上同行艺人邓卓殷亦有孖住男友郭子豪去睇骚，Rosita都有同对方合照留念，但就明显避开唔post同丁子朗合照，被质疑刻意避嫌。