黄宗泽王浩信搞“小圈子” 胡定欣被孤立幻想有朋友

etin

视帝王浩信、视后胡定欣与黄宗泽相隔10年再聚首拍剧，面对“柴娃娃”拍摄友情戏份，定欣即投诉经常被孤立，即使唯一一场同场戏，也只能匿埋一边幻想，相反两男早收剧本后已经常饭敍交流，更不时即兴排戏，未开拍已入晒戏！

​王浩信、胡定欣及黄宗泽（Bosco）16年前首结剧缘，其后亦有一次合作机会，之后兜兜转转近10年，至近日才有幸于邵氏剧《廉政狙击》“重聚”。该剧以5位好朋友童年经历的塌楼事件揭开序幕，众人于现实生活亦相当熟落，故演绎友情戏时得心应手。

谈到几位主角各有内心创伤，浩信直言收剧本时甚有压力：“因为讲我令到啲好朋友有咁嘅下场，分析角色后觉得佢有心理病，查案唔要命，见好友面临崩溃、孭住好重包袱，见佢哋好辛苦，有好多内心戏，有自虐Feel，我又几锺意。”浩信与Bosco还有连场动作戏，Bosco透露开拍前不时与浩信约食饭，从中了解双方角色，更会即兴排戏，感觉特别。

相对于两男的友情，定欣的角色却狐独得多，因她饰演复仇者，即使面对几位好友也不能表露心迹：“佢哋4个（浩信、Bosco、黄智雯、吴卓羲）啲戏份成日一齐，我就自己一个幻想友情，记得佢哋首次喺班房拍完Send张相出嚟，系智雯加番我上去，之后出海拍又冇我份，唯一一场喺学校搵锦囊，我都要匿埋帘后面，真系好孤独！”

谈到感情事，定欣与Bosco仍然单身，不过女方日前漏口风表示有了解中的对象，她说：“识朋友都要嘅，因为身边朋友冇时间理我，已经好尽力照顾我咁耐，都有啲唔好意思，所以希望真系有缘分遇到伴侣。（真系林盛斌介绍？）佢话务必帮我搵，我话睇吓会唔会拆佢招牌先。”而Bosco大谈择偶条件：“合眼缘，要过阿妈嗰关。（再遇圈中人呢？）冇办法，认命啦！（要求高？）我奄尖声闷，有强迫症，要搵个仲劲嘅先得。”

至于浩信与太太陈自瑶的关系经常成为话题，他无奈说：“都讲晒，再讲又系咁！我觉得宣传剧又唔使搬屋企人嚟讲，每个人处理方式唔同，我最爱除咗屋企人，仲有呢个行业，都花好多心力、努力去做一件事，希望大家集中作品上。”

kopko

可惜啦，救命啊