佘诗曼扮白蛇忽然SheShe 孖小青厮磨差啲咀

etin

​真人骚《无限超越班》话题十足，当中一班导师尤其出位，今次就有佘诗曼同女星韩雪演出电影《青蛇》片段，当中阿佘演“白素贞”，韩雪扮青蛇“小青”，一开镜就喺床上婀娜扭动，被激赞演活了蛇嘅神髓，简直就系“天生蛇命”！不过今次大家更加着重睇佢同韩雪嘅“SheShe级”互动，因为剧目中阿佘杀咗“许仙”之后，就同小青互相拥抱，更大胆喺镜头前厮磨抚摸，去到尾声二人鼻贴鼻，几惊佢哋会咀落去。有网友狂留言话睇到㷫合合，二人表现超越姊妹情，非常暧昧，仲有网民大赞呢个《青蛇》版本似足西片《末路狂花》，阿佘嘅演出仲系神来之笔。