方健仪晒离巢前最后一晚旧照 1句话勾集体回忆

etin

前无綫新闻主播方健仪离巢后，作多方面发展，除咗做司仪仲有做皮革工作，又曾到内地为地产公司做演讲，不过佢报道新闻嘅专业形象深入民心，佢喺2012年2月24日，担任新闻主播嘅最后一晚，喺新闻结束时，向各位观众道别：“多谢支持，后会有期，再见。”成为唔少网民嘅集体回忆。

转眼间11年过去，依家为自由身工作者嘅佢，仍有唔少网民会透过社交网关注佢嘅近况，日前（24日）佢发文留言：“有网友提我，11年前，晚上11点。11年后，今晚11点，你会做啲咩？”照片中见到当时的身穿西装嘅佢，喺无綫新闻主播室捧着蛋糕影相，笑中有泪，即时勾起网民回忆，大叹时间过得真系快呀！