江若琳怀孕5个半月出活动 自言似大闸蟹一样呕白泡

etin

艺人江若琳与张达伦父子，昨日上午到尖沙咀出席活动。怀有5个半月身孕的江若琳脚踏4吋高跟鞋，她透露已进入稳定期，预产期为6月，她更笑言：“肥咗6磅，过咗艰苦似地狱嘅初孕期，由每日要瞓17个钟到依家精力充沛。医生叫我唔好肥落去，因为我拣顺产，一嚟复原得快啲，二嚟想自己体验吓。”

她又指刚怀孕时呕吐大作，但只是“呕白泡，似大闸蟹一样”，又指口味改变：“好锺意食酸辣嘢。（讲得仔定女未？）未，你哋估吓？！我照晒结构嘞，原来系好惊嘅，我老公不停喺隔离深呼吸，又问医生心脏有冇问题，系咪所有嘢都齐全。（日常生活佢都好紧张？）管接管送，喺屋企我话口渴，佢会即刻斟水，以前系我负责照顾佢嘅，依家简直同以前唔同晒。”

谈到情人节，江若琳透露老公陪她出外庆祝：“几年都冇出过去，佢做完嘢就车咗我过去，大家食咗餐饭。我哋话要趁BB出嚟前去多啲旅行，book咗3月去英国及法国两星期，因为预咗做咗父母后几年都唔得闲，同埋冇咗自由。（谂住自己凑？）等咗咁有耐先有，我想同BB建立良好嘅亲子关系。”

她又指目前自己有散步及做瑜伽，希望有助顺产。谈到BB乳名，江若琳搞笑说：“我老公话叫C朗及美斯，我话够嘞，咪搞镬。”她又指遇到合适工作，暂时会照接，直到变“样衰”才选择闭关待产。