龚嘉欣成身心心似报喜 同日籍型男真拍拖咪出奇

etin

艺人龚嘉欣昨日（5日）出席无綫剧集《新四十二章》宣传，与日籍生意拍档松冈哲也绯闻闹得热烘烘的她，穿上露肩开窿短裙，裙身还还有3个吹气心心，养眼度十足，不过为免春光乍泄，嘉欣与江嘉敏玩拗手瓜游戏时，不时按实右胸，场面搞笑。

​嘉欣受访时被问到一身心心，是否有要事宣布？她却表示难得有剧出便刻意打扮，所以着得靓一点，否认有喜事公布：“报道出街后炸爆咗个电话，真系吓死我，希望大家畀啲空间我。（今晚元宵冇约咩？）唔敢约！（努力学紧日文？）唔系，学好啲英文先，日文未有计划学。（你哋用英文沟通？）总之未有计划学日文。（惊恋情见光死？）始终对方系圈外人，唔想畀咁大压力人哋，依家报道影响佢，有啲仲唔系事实，都唔好意思连累咗佢。”更指双方平时工作才见面，放风指若然大家见到他们一起不要太出奇。

对于今次恋爱传闻全因好姊妹陈凯琳上载短片“出事”，嘉欣表示对方出Po也曾问过她，原意是纪录新年时的开心点滴，所以她没来太多便答应，没料事件却引来误会，问到是否坚持今次绯闻纯熟误会？嘉欣即笑住连讲讲几次“系！”，更说：“知大家好着紧我，我会将大家嘅祝福全部收起，希望结婚嘅时候大家再祝福我。（几时？）未！我唔敢再乱讲，希望有一日可以大大方方公布结婚嘅好消息，但一日未结婚都唔会公开拍拖，要顾及另一半感受，不过我未知要结婚嘅系边个（唔系同居？）唔系真嘅！”

曾参加《冲上云霄大选》的艺人史颖乔，于《新》剧演龚嘉欣好友受关注，她表示有看回自己演出片段，当中亦有很多不足之处，承诺会努力改善，问到嘉欣可有指导她？她说：“我好锺意佢，我系佢嘅头号粉丝，手机入边仲有当时参加节目时候嘅合照，我有请教佢拍摄上嘅嘢，始终都冇上过艺训班，镜头运用同埋术语我完全唔识。（网上多咗人关注开唔开心？ ）诚惶诚恐，因为知道自己有好多不足，呢条演员路仲有好长要行。（系咪唔会做返空姐？ ）唔会，我当时系畀人炒，同埋离开嗰时个email我填咗唔会返去，因为太嬲。”