施匡翘拍剧喊戏都应付到 全部用真眼泪

etin

歌手施匡翘（Zaina）忙于拍摄港台剧《我们的毕业礼》，今次戏份较多，演出的场口也多元化：“有啲情景我要好惨，有啲好嬲，要好恶系咁闹人，希望大家喺套剧见到我不同的一面。”即使拍喊戏她都应付到，她笑说：“都OK嘅，暂时全部真眼泪，如果早几日知道要拍啲好激动要喊嘅场口，喺拍前嗰15分钟，我会畀自己培养吓情绪先埋位，好认真咁对待。”

Zaina坦言愈来愈锺意拍戏，因为试得多，就发觉自己都有不同的一面，这一面单唱歌未必会发现到，她说：“喺拍摄过程啲前辈又会同你讨论，好似打游戏机咁增值，之后遇到其他角色，又会觉得系新挑战。”她表示今次要更加勤力，努力争取每个机会，希望有更多作品畀大家见到，她说：“新一年希望尝试唔同类型嘅音乐，也希望拍嘅剧快啲推出，等大家认识我多啲，更加想出碟，将我过去3年嘅音乐历程作为小小总结。”