贺岁票房险包尾 梁朝伟奇招出击拖王一博落水

etin

影帝梁朝伟与艺人王一博主演电影《无名》，于内地贺岁档上映，一开始新片预售票房称霸，可惜后劲不继之后成绩唔多理想，喺七套贺岁片中倒数第二，差少少就包尾。有见及此，《无》剧组就借社交网发布花絮片，其中一条片场花絮更系冲击350万观看次数，令新片都有番啲水花！

片中梁朝伟缓步行入片场，坐喺度等埋位嘅王一博同演员王传君就即刻对前辈打招呼，但三人讲咗句“Hello”就完结对话，伟仔一直尴尬咁笑住企喺原地，唔知讲咩好嘅佢“社恐”发作，又深呼吸、又两头张望，用眼神急急搵人求救。一直去到导演帮手缓和气氛，向伟仔介绍两位演员叫“阿呆、阿瓜” 伟仔先笑番，不过都依旧一副尴尬样，三人对视36秒都冇偈倾，搞到网友都话睇到笑出声。