龚嘉欣去陈凯琳屋企拜年片泄蜜 网民估呢个系佢男友！

etin

艺人龚嘉欣昨日（29日）出活动，单身嘅佢漏口风话想今年生BB，仲疑似已有男友添，即时引起网民热议！佢嘅好友陈凯琳喺社交网晒咗条片，系日前龚嘉欣同谭凯琪等友人去佢屋企拜年嘅片，睇到当日个个都成双成对，片中同龚嘉欣好似孖公仔嘅男子引起网民关注。

​片中该身穿红衣嘅男子同龚嘉欣坐隔离，过镜时龚嘉欣亦喺该男子身边，连最后影大合照，一众已婚嘅友人都系同家人企埋一齐影相，只有呢位男子企喺龚嘉欣身后，睇嚟关系真系非比寻常，网民纷纷估佢就系龚嘉欣男友呀！而龚嘉欣手上好似抱住陈凯琳细仔，同该男子企埋一齐就似足新婚夫妇，加上佢哋流露出甜蜜笑容，十足热恋嘅情侣一样呀！