艺人陈自瑶(Yoyo)昨日到荃湾出席TVB剧集《有种好男人》宣传,吸引大批途人围观,场面热闹。​Yoyo受访主动提及角色被封“神级八婆”,她笑说:“好搞笑,演八婆演到神级都好劲,唔敢当,最多都系八婆仔。好开心大家锺意,可能角色好有新鲜感同啱我演。(同本身性格相近?)有网民咁问,但我要澄清,识我嘅人都知,根本完全唔一样,呢啲真系演技嚟㗎。(搵身边啲朋友好似黄翠如同连诗雅做蓝本?)哗!咁讲即系话佢哋系八婆?当然唔系啦,但身边总会有少少呢类人,同埋睇吓戏参考,我演绎角色好多数凭直觉,睇完剧本会有个画面出咗嚟,顺其自然咁去演啰。” 谈到即将过农历年,她答说:“差唔多收炉,呢排都系宣传活动啫。(计划咗点过新岁?)都系同屋企人食吓饭、拜吓年咁。(丈夫王浩信返咗内地成年喎。)佢返咗嚟喇,都会团年,佢好耐冇见过小朋友。(佢赞你演八婆演得咁出色?)我都唔知,要问番佢,佢冇同我讲过。(佢真系冇赞你咩?)好多人都赞我做得好,包括监制同观众。”
|