甄子丹难忍只顾摆甫士 坚持最真还原武侠质感

etin

“宇宙最强”甄子丹对主演电影《天龙八部之乔峰传》看重非常，虽然该片出乎意料于内地变身“网大”，只于影视串流平台上架，他依然落力瞓身参与宣传，除于香港优先场接二连三惊喜现身作拍摄解构外，农历年前更亲飞新加坡、马来西亚及韩国等地造势，疫情以来他首次与东南亚粉丝作近距离接触，所到之处相当墟冚，粉丝热情有增无减。

原来在决定开拍《天》片之初，子丹对“乔峰”认识不深，后翻查资料及观看以往相关电视剧，才逐渐将这人物形象及具体化：“不过其实好多年前已经有人话我好似佢。乔峰好反映到现代人面对嗰种压力，佢遇到不公平嘅指摘好豁达咁承担，面对人云亦云嘅无理指摘，表现淡然。（同你好似？）咁我入行40年，一定有高有低，作为知名人士企喺风浪嘅尖口，话冇（是非）就呃你，但随着年纪增长会变得愈嚟愈成熟咁去面对，明白生命好短暂，最紧要无愧于心，唔通吓吓走出嚟澄清咩？（依家冇嘢激到你？）系，可能都会有嗰刹那嘅反应，始终系人嘛，但呢啲嘢唔会对我有长久影响啰。”

谈到《天》片未能登上内地大银幕，子丹却不当一回事：“如果你问我有冇信心？我觉得每套戏都有自己嘅命，唔系我掌控到，咁电影唔系输就赢，我都赢咗好多年嘞，赢咪赢、输咪输啰，唔需要同人比。呢套戏一开始已经由3个影视平台投资，而网上发展系一种趋势，喺电视睇到嘅亦未必唔系好嘢，而作为一个创作人，都只系想多啲人睇到自己嘅作品啫。（戏院上映）思维已经过时，如今日食中餐、听日食西餐，可以两边走啩，咁系观众嘅眼福，你咪想办法去增加你嘅观众层面啰。”

子丹形容拍《天》片如成功攀越一个高山，两个小时的片长尽量平衡原著小说的丰富色彩，该全世界即使未看过原著的戏迷，都能有所感受。问到对自己的作品是否满意，他坦言：“电影永远都会有遗憾，满意唔会系百分百嘅事。我会觉得呢个故事其实比较适合作电视剧，我都剪咗成半个钟头嘅片出嚟，呢个系每个导演都要面对嘅问题。最开心系可以做到90%冇用慢镜，依家古装片好多时冇咗武侠嘅质感，武者嘅特征荡然无存，大家吓吓喺度摆甫士，我坚持要畀观众追求到最真嘅感觉。”