刘佩玥获奖感激拍档爱锡 陈展鹏：前世欠咗你！

etin

无綫剧集《超能使者》一众演员昨晚在尖沙举行庆功宴，庆祝陈山聪夺得无綫“视帝”、陈展鹏与刘佩玥则赢得马来西亚“视帝”与“视后”奖项，齐齐开香槟、切蛋糕乳猪庆祝，相当高兴。

展鹏戥陈山聪、刘佩玥攞奖开心，他说：“同阿Moon喺《城寨英雄》已经合作，山聪就《张保仔》，今次3个再合作真系好开心。”Moon则说：“感恩遇到展鹏咁好嘅演员，佢系其中一个好仔细、细心去帮自己嘅一个人，我好多谢佢，同埋好多人好锡我，系前世修来嘅福分。”展鹏笑说：“可能前世真系欠咗你。”

展鹏自爆原来是视帝“明灯”，过往开口贴过的心水视帝好似马国明、袁伟豪皆落败，故今年希望山聪攞奖的心愿，一直放在心里面只字不提，改由女儿拍片打气，最终看到山聪顺利称帝。夺得马来西亚视帝的他被问到会否“造人”庆祝得奖?他笑谓已经成屋女人，希望追个仔平衡一下，但也担心再生的也是女儿，令阴盛阳衰加剧，他说：“生B随缘啦，都想屋企多啲人，啲老人家讲得啱，生完就好想再生。”刘佩玥指近期忙拍剧，笑言庆祝有拖冇欠，亦希望将得奖压力变成动力，努力演出。