艺人朱敏瀚(朱仔)与王敏奕(Venus)昨日(9日)出席无綫新剧《虚拟情人》的拜神仪式,今次是朱仔首次担正男一的剧集,他称以平常心看待:“冇畀位置影响心情,反而系个角色好有挑战性,呢套系AI(人工智能)剧,我唔系演正常人,系饰演AI,发挥空间好大,点做都得,但同时每个人对AI都有唔同想法,可能未必做到观众心目中咁。” ​至于Venus饰演AI的创造者,她说:“剧中讲我好想有个完美情人,所以就创造咗呢个AI去安抚自己同大家嘅心灵。(有冇将老公曾国祥嘅优点放入AI?)冇,唔好讲呢啲。”朱仔透露已拍完外景戏份,之前有参考其他AI题材的影视作品,也担心被指模仿,但现时觉得开创了新的AI戏路,拍出自己风格。问到两人有否亲热戏时,Venus笑言:“算有,但可能佢觉得好小事,佢有啲紧张,但我OK,套剧好纯情。”虽然朱仔在剧中饰演AI,但仍逃不过脱衣骚肌的惯例,他说:“记得最后一日拍外景突然要我除衫,剧情讲我去咗健身室。”Venus赞他随时准备好骚肌。​另外,提到朱仔与《痞子殿下》拍档昨晚(8日)获得最佳拍档奖,他称昨晚已匆忙吃了一餐:“好开心攞到呢个奖,为《痞子殿下》续集打咗枝强心针,呢个奖比任何个人奖仲更加好。”​
|