好心痛︱郑嘉颖爆陈凯琳佗B双腿肿到唔见脚眼

etin

艺人郑嘉颖昨日（8日）出席品牌新店宣传活动，谈到太太陈凯琳（Grace）怀第3胎的情况，他大表心痛谓：“每胎反应都唔同，可以话呢胎系最辛苦嘅，有水肿同抽筋嘅情况出现。佢双腿几幼大家都知，竟然可以肿到见唔到脚眼，佢梗系唔开心，我惟有安慰佢，呢啲日子好快过！”嘉颖透露有出手为Grace按摩。当问到打算怎样奖励对方，他笑答：“生咗出嚟先啦。（讲得仔定女未？预产期几时？）留番我太太公布，但我可以讲会好快喇。（生埋呢胎收工？）我哋顺其自然嘅。”

由于家有新成员，嘉颖坦言即使通关，短期内亦不打算内地工作：“除非个角色好吸引，如果我唔接会后悔嘅。（无綫冇搵你？可以留港开工？）之前我拍《星空下的仁医》，返去只见到2个仔瞓紧觉，冇时间同佢哋玩，真系望都唔望你！”他坦言现阶段一切以家庭为主，不想错过小朋友成长每刻。谈到好兄弟马国明终宣布婚讯，嘉颖表示：“恭喜咗佢喇，都就嚟‘入五’，应该要结婚，有仔趁嫩生。（好有感受？）梗系啦，佢哋战斗力每日升，我嘅体力每日降。（《铁马寻桥》得番同诗咏单身喎。）佢自有打算，遇啱先啦，千祈唔好为咗结婚而结婚。（介绍好嘢畀佢？）去到我啲年纪好嘅都结晒婚，未结嘅就真系唔想结，冇货。”