方力申(Alex)出席单车发电齐破健力士世界纪录活动,在现场试踩单车的他表示不会落场比赛,或只参与开幕仪式,他说:“踩8个钟头单车就唔得啦,8分钟可以,因为我细佬嘅体育基金系呢个活动嘅受惠机构,所以我嚟帮手,当撑细佬。”又谓自己揸车技术了得,曾参加东望洋赛事,但单车就“麻麻哋”,尤其有相士提醒他忌揸电单车,慎防有意外发生,他直认:“好怕炒车,我都系森美、张继聪嘅电单车队成员,但我谂今年都系揸部电单车喺屋企出面兜兜(个圈)就算,如果完全唔楂,又怕部车会坏。” 谈及他亮相节目《铺铺Poker》时,被女嘉宾黄紫恩视为一夜情情人,他说:“佢哋有啲讲得更夸,不过我唔会特别开心,因为都系赢阿Bob、郭伟亮、谭焯升佢哋三个啫,两个结咗婚,一个又同佢哋熟。”问可试过一夜情?他谓:“唔锺意One night stand,要every night。”他自言追求浪漫,不爱激情,所以不会拍散拖,虽然恨拍拖多年,但未遇上锺情的一个,连方妈妈都诈型,他又谓:“连阿妈都闹我,40几岁人仲搵初恋,叫我搵个锡我,可以相夫教子嘅。”现年42岁的他期待兔年有新恋情,因相士指他将行桃花运,对方是不识的新朋友,他大赞:“好喎,唔系朋友有新鲜感,相士仲话对方可能大过我,不过都系5年差距啫。(接受到姊弟恋?)最紧要我锺意同相处到,我觉得可爱紧要过靓,仲要开心,同埋佢唔好黑面啰。”
|