钟嘉欣一家5口贺圣诞 余香凝一句说话惹大肚疑云

etin

昨日圣诞节，圈中唔少星级父母都喺社交网大晒全家福，温馨过圣诞，当中包括育有1仔1女嘅杨爱瑾及前年荣升爸爸嘅吕方等，而今年10月再诞下第三胎囡囡嘅锺嘉欣，亦首度晒出一家5口合照，见佢哋一家人喺圣诞树及布置前拍照，好有节日气氛，其中细女面珠胀卜卜相当可爱，而大女Kelly则愈大愈靓女，尽得妈妈女神气质，不过最大变化都系囝囝Jared，换上清爽新发型嘅佢帅气度大增，仲好得戚咁对住镜头Chok样，非常上镜。至于今年荣升父母嘅郑俊弘及何雁诗，则大晒仔仔着圣诞衫嘅靓相，可爱到晕。

另外，艺人余香凝亦晒出与老公及囡囡嘅合照，不过佢一句留言：“今年圣诞树多咗好多我同囡囡一齐整嘅吊饰，唔知下年张相又会有咩唔同呢？”就引发网民及圈中好友无限联想，以为佢有喜讯宣布，女星蔡颖恩更直问：“系咪要讲恭喜啦~~~”余香凝即表示：“未未未”，仲话：“睇嚟我嘅文字好误导大家”，相信只系虚惊一场。