陈展鹏“糕”招凼女 单文柔过节玩惊喜

etin

视帝陈展鹏与太大单文柔（Phoebe）的宝贝女小猪比现已3岁多，昨日圣诞佳节，一家3口会去Staycation，之前小猪比更达成愿望，初尝车Camping滋味，并即场拆礼物，开心到蹦蹦跳，令展鹏与Phoebe笑逐颜开。

​展鹏受访时表示，多年来不少节日都在工作中度过，适逢今年不用开工，故跟家人欢聚：“有咗小朋友嘅节日真系开心好多，个女长大咗，更加多嘢要庆祝。除咗生日之外，我哋好多时都会买蛋糕，因为小猪比锺意吹蜡烛，你话边个生日都得，公仔生日都得，总之有蛋糕、有蜡烛吹佢就开心。”他自认记性不错，现时有妻有女，若忘记重要节日就不太好：“依家唔系自己一个，节日多咗仪式感，我都好享受，大家多咗时间喺屋企。圣诞节普天同庆，我哋预备同小猪比去儿童乐园，希望佢会开心啦！”

而Phoebe坦言重视仪式感，今年更充当圣诞老人，为家人准备礼物：“我觉得节日制造心思，可以拉近人与人之间嘅距离，婚前我同展鹏都好Sweet，会凼大家，畀啲惊喜大家。小猪比出世后，重要节日一定唔少得佢，佢对节目嘅新鲜感好强，亦带咗好多欢乐畀我哋，好期待佢哋收到礼物嗰刻会点。”