刘佩玥、陈晓华、陈山聪、方力申、何依婷、丁子朗昨日(3日)在钻石山宣传昨晚首播的无綫台庆剧《美丽战场》。女主角陈滢身在法国出席时装周,缺席宣传,但“阿宝”亦不忘在巴黎铁塔下,越洋拍片为剧集打气。 ​剧中“三姊妹”3缺1由刘佩玥、陈晓华顶上孭飞宣传,刘佩玥笑说:“都羡慕陈滢去咗巴黎做嘢,自己有两三年冇去旅行,佢系勇者嚟,中间仲飞过两三次,不过佢只系缺席今次宣传,之后就会返嚟。(叫陈滢送包包答谢?)其实呢几年对于买嘢意欲都减少咗,目标系买楼。阿Bob(林盛斌)开剧之前都话有钱一齐搵,有楼一齐买,嚟紧会一齐都有几个工作,唔怪得陈滢都话羡慕同阿Bob做CP。(储够首期未?)努力中,自己入行以嚟都算节俭嘅,都算储到钱,离目标已经唔远,希望呢两年可以完成买层楼畀妈咪嘅承诺。”
陈晓华被问到可有买楼目标,她笑谓拍剧多了个“阿妈”日哦夜哦灌输理财之道,她说:“自己好大头虾,阿Moon好好,分享咗好多理财知识畀我,除咗冇煲汤之外,真系好似我阿妈,依家27岁,希望30岁可以买楼。”剧中被丁子朗糟质的她被问到可希望与丁丁组成CP搵钱?她笑说:“佢有另一套台庆剧喎,唔知会唔会拣我,不过佢喺剧里面掴咗我10巴,佢系欠咗我嘅。”刘佩玥笑言陈晓华当日拍完被掴戏,还大赞她面色比平日红润,但原来是中了“还原靓靓拳”。
|