早前“细龙太”陈思圻(前名陈伟琪)自爆拍《爱‧回家之开心速递》时曾遭前辈爆粗闹“唔识做戏”,而同剧的吕慧仪(长脚蟹)成嫌疑人物之一。刚加剧组,且经常和长脚蟹有对手戏的女子组合Bingo成员关嘉敏(Carman)就以新人身份为前辈洗白。 Carman接受访问时表示:“我喺剧组反而有种被照顾嘅感觉,佢(长脚蟹)好照顾我呢个新人。”又谓第一日开工时拍第一场戏,就是跟长脚蟹做对手戏,由于拍处境剧跟剧集有所分别,除要顾及现场3机摄影,要留意走位之馀,又要注意表情,加上拍摄流程亦较快,令新人的她相当紧张,多得长脚蟹照顾:“佢不断提我,畀建议我,好开心有位咁好嘅前辈咁好肯去教我,可以令我快啲熟悉呢个拍摄环境,佢个好真实、好幽默,所以我系好锺意佢。” 而最她最感动是,首次合作就有长脚蟹请食早餐:“嗰日好早,好似7点几,佢问我食咗早餐未,我话冇呀,食梗早餐嘅佢就请我食生果,佢好乐意分享自己嘅嘢畀我,佢绝对唔难相处。”Carman自感幸运可以成为“寻宝图”一份子,因所有演员及幕后除会倾戏外,亦会分享生活轶事:“佢已经畀咗好多唔同意见,又同我倾吓偈,所以有佢喺度,我冇咁紧张喎,同埋做得放啲,成个剧组好有爱,真系爱回家。”
|