​艺人李亚男为老公王祖蓝主持的节目《有个闺密叫祖蓝》任压轴嘉宾,期间被要求互数嬲爆事件,亚男爆老公经常于半夜与闺密倾电话,因而忽略了她,令其不是味儿:“不嬲临瞓前都系例牌你问吓我啲感受先,嗰日我咁啱有感受,你就接咗其他闺密嘅电话、安抚人哋嘅感受,我知人哋喺度喊你系要听,但嗰晚我唔系好忿气,因为我都有情绪,我都想Blah Blah Blah 讲,但畀佢霸咗!”祖蓝获悉后非常自责,并提醒男士们不要犯同样的错。 谈到当年亚男曾忍痛与祖蓝分手,并飞返加拿大,但最终因按捺不住对祖蓝的思念,抛下一切飞返香港,令祖蓝大为感动,祖蓝说:“嗰时身边啲人担心佢学坏,又惊我呃佢,本来佢谂住放低演艺事业返加拿大读书,嗰时我都话:‘我哋唔好一齐喇,勉强冇幸福,无谓令大家同身边啲人咁痛苦。’结果佢最后竟然自己一个人飞返嚟香港,同番我一齐。”亚男亦补充说:“嗰时有谂过返去加拿大读书就唔再返香港,但个心一路好想返香港,一路好挂住我男友,就写咗封信畀屋企人,话我一定要返香港去搵我嘅幸福。”制作组播放二人当日结婚片段,并要求祖蓝重现当年“爱的宣言”,祖蓝表示:“我以前好容易好火爆,依家畀你感染到我冇晒火,我知道娶到你一生都会幸福,依家娶咗你真系每一日都觉得好幸福。”亚男闻言也冧爆回感:“多谢你畀我成为你人生嘅女主角。”场面甜蜜感人。
|