Twins相隔两年在港“合体” 阿娇激减30磅随时Ready拍拖

etin

组合Twins相隔超过两年，再次在港“合体”！蔡卓妍（阿Sa）及钟欣潼（阿娇）昨日（28日）以“白色闺蜜装”到中环出席活动，二人状态大勇，阿娇更成功收身激减超过30磅，引来大批记者到场采访，场面墟冚。阿娇近年在内地“落地生根”，因接了不少工作下月将再次返内地工作的她说：“我想令自己安定啲，所以喺上面养咗两只猫，返去要照顾佢哋。（今次踏入香港机场感觉系点？）喺度认亲认戚，见到圈中嘅前辈戴晒口罩，所以要估佢系边个，嗰种感觉既熟悉又陌生。（惊唔惊太靓又过唔到关？）唔会啰，嗰次太过骑呢，系惊畀佢阻住转机，好彩最后赶得切。”

谈到花了半年时间回复苗条身形，阿Sa在旁打趣“系佢10年以来最巅峰状态”，身为当事人的阿娇开心表示：“依家系健康嘅，唔需要刻意去keep。（咪要换过晒啲衫？）呢样每年都会换。（最辛苦系边个阶段？）咪就系身边个个喺度食嘢啰，当时拍紧节目啲拍档好似吴谨言同王心凌咁，不停喺度叫嘢食，佢哋食量好大，自己要好忍得。（系咪多咗追求者？）冇啰，呢样嘢唔会留意唔到嘅。（已经做好心理准备接受新恋情？ ）可以嘅。”

​问到阿Sa会否为阿娇物色理想男友，她笑答：“有都介绍咗啦，剩番落嚟嘅就知咩事啦。（你之前在内地，点同男友维系？）又OK喎，佢上嚟探咗我一次。”阿娇则踢爆二人日日视讯，认真sweet爆。阿Sa则透露：“下个月我都会再返去，但之后都唔会stay咁耐喇，咪来来回回啰，依家隔离都系10日，湿湿碎啦。”

对于有传明年举行演唱会，她们承认正在筹划中。至于会否邀请张致恒任嘉宾，阿Sa“嬲爆”回答：“佢都唔系我哋公司，唔讲佢喇。（系唔系同公司嘅都会争住嚟，等你哋拣嘉宾？）咁大牌？又唔系我哋嘅风格，其实最大嘅烦恼系拣歌，惊唱唔晒经典歌，歌迷会𠝹櫈。”至于二人有份演出的内地节目《星星的约定》突然停播，她们表示：“唔系腰斩，而系想重新剪辑，好快会复播。（唔系有份亮相嘅胡彦斌出事？）我哋冇听闻，唔淸楚不过佢份人几好。”