升呢陈太即开工︱陈炜爆宾客恐吓老公要对佢好 唔系打镬甘

etin

艺人陈炜、陈敏之、袁文杰及江嘉敏等昨日（27日）现身观塘，为剧集《黯夜守护者》宣传，大批粉丝到场支持。活动上众人以掷飞镖投出谁是剧中可疑者，结果袁文杰成为众矢之的，要接受测谎机逼供。

​现场亦有粉丝向陈炜送上蛋糕、花束、手鈪和颈链，祝愿她能成为最佳老婆及最佳女主角，而荣升“陈太”的她，笑言仍未习惯新称呼，问到称她甚么会较好，她甜丝丝说：“叫我咩都应，叫陈太会笑得开心啲。”她指虽然婚礼后只休一会便出席活动，但状态还好：“喺酒店休息一晚，今朝同老公食早餐。（老公今日返工？）系呀，佢见我今日都出咗嚟做宣传，佢一个人喺屋企冇嘢做咪返工，哈哈！要嘅，病人都等佢嘛。”

她表示婚礼很感动，因不是邀请太多宾客，反而能与好友有更多交流，还笑言很多朋友恐吓陈医生：“佢哋同陈医生讲‘你试吓对佢唔好吖，打你㗎！’佢即刻答‘知道知道’！”问对老公的爱的宣言是否收货？她坦言当初听唔明，后来老公向她解释才明白，她说：“我之前讲过感情50年不变，原来佢唔想我有伤心嘅时候。”她谈起时更感动得眼湿湿，又解释曾与老公欣赏歌曲《最后晚餐》MV时每次也被其故事感动流泪，好希望两夫妇也能像故事主角一样互相扶持，白头到老。

另谈到好友朱晨丽于婚礼中接过花球，陈炜笑言场中只有她与江美仪最有资格接，问到会否介绍好男仔给对方？她説：“听讲嚟紧有啲相睇活动，会介绍男仔佢识，佢叫我陪佢出席，不过未约实时间。（带何广沛畀佢？）何广沛睇咗好多次啦。（叫老公介绍医生朋友畀佢？）陈医生啲朋友老啦，唔同年龄层，哈哈。”她表示或会11月才考虑度蜜月，因还要预留时间参加台庆。