艺人郑俊弘(Fred)、施匡翘及谢高晋昨日(25日)出席活动,与太太何雁诗育有3个半月大囝囝的他,表示每天出门也很不舍,近日正忙于拍摄剧集《再见枕边人》的他说:“好珍惜每次见到阿仔嘅机会,头先出门口都唔舍得,因为今晚仲有其他工作,要听日下昼先可以见到佢。” 他笑称自己不舍到有点痴恋地步:“会开个Cam睇佢喺屋企做紧乜。(睇仔唔睇老婆?)两个都睇,哈哈!”他表示小生命到临令他们夫妻以及家人间关系更好:“畀到好多欢乐我哋,生之前会好担心将来,疫情、佢长大同读书,但出世之后带嚟嘅欢乐将呢啲嘢统统盖过。(太太话你想生多个喎?)唔止系我,佢自己、佢爹哋妈咪同我妈咪都想,不过谂住过一两年先,因为唔想分薄咗,想将呢一两年时间畀晒个仔先。(想生多个女凑成个好字?)哗!如果有个女就真系不得了,哈哈!唔紧要嘅,仔同女都锺意。”
他表示因担心疫情,所以未有替囝囝办百日宴,问到是否要开始选择学校?他説:“有呀,有向朋友请教,佢哋叫我谂远啲,睇吓希望想佢读咩类型大学先,但佢依家先咁细,都未知乜嘢类型先适合佢,我哋希望自然啲,希望佢开心又唔想俾太大压力佢,唔想话佢将来一定要读边样做边样。”Fred表示偏向选择国际学校,因不想囝囝功课压力太大:“惊佢读啲嘢太深,到时问我都唔识教。”
|