庄思明不弃杨明 “蜜”谋今年结婚

etin

艺人庄思明与杨明拍拖6年，思明一直对男友义无反顾，即使对方官司判案在即，未闻结果她已誓言“非君不嫁”，更有可能今年内注册。对于将娶得“绝世好老婆”，杨明感激对方沿路相伴，并承诺婚事会“按计划进行”。

​庄思明与杨明多年来携手走过高山低谷，尤其两年前杨明卷入醉驾事件，思明懒理旁人流言蜚语，一直对男友不离不弃，更主动向对方大派定心丸，对外扬言“非君不嫁”。明日杨明将要再次出庭面对审讯结果，而思明日前接受专访继续为男友打气，透露无论结果如何、只要通关、庄父庄母能来港见证她的“重要时刻”，不排除今年内注册正式成为杨太。

思明坦言双方家长都比较传统，儿女结婚摆酒自然希望高朋满座，且谓：“疫情以嚟庄家成员都分开咗喺世界各地，父母就一直喺马来西亚。妈咪年纪比较大，如果返香港要自己隔离嘅话，佢会比较担心，所以已经两年几冇见过面嘞，依家政策放宽咗，佢考虑紧返嚟，所以可能签咗字先。”

外界一直认为思明家底丰厚，不过她却突然抛出一句：“摆酒唔使钱咩？储吓先啦！”原来已结业的炖汤生意损失惨重，而杨明持续两年的官司律师费亦“有数得计”，幸而两人能屈能伸，只要在一起咸鱼白菜也好好味。思明直言早前于内地拍剧返港后，与炖汤店其他股东开会，恍如晴天霹雳：“冇咗成千万，单系湾仔分店都蚀咗3、4百万，当然我哋之前系有赚过钱嘅，但已经倒蚀番晒落去嘞！”

问到家人得悉后反应如何？思明即说：“我冇同佢哋讲，生意当初系自己决定要做嘅，系人生嘅一部分经历，冇理由依家咁样衰返屋企呻，惟有悭得就悭，再努力啲搵钱啦！坦白讲，我真系冇谂过有日打开银行存折，见到数字系会惊，担心见底嘞！”不过当初一手创立的公司已取得共识暂未清盘：“股东们都唔舍得一番心血，考虑紧转做脚底按摩，等旧钱滚大啲东山再起。”

对于杨明作为她的另一半，性格单纯的思明要求不多，但却有一件事令她有点不快：“佢一啲都唔浪漫，直到依家都未正式求婚。佢仲话觉得自己已经结咗婚咁。（婚事）搞到连乡下亲戚都知，但冇行动啰！我知佢有问过我身边啲朋友嘅，但暂时都冇行动，我只可以话最大嘅惊喜就系冇惊喜。”而谈到女友对他义无反顾，杨明其实一直点滴在心头：“好多谢佢，一路都陪住我、支持我，结婚方面我哋有共识嘅，希望事事顺利咗先，跟住就会计划嘞。”