一索得男！郭思琳催生忍痛17小时 终为吴浩康诞下男B

etin

歌手吴浩康（Deep）跟太太郭思琳（Margiela）的囝囝于9月14日顺利出世了，昨日（20日）Deep透过公司向大家公布喜讯，Deep说：“首先多谢大家关心，BB系男仔，改名方面依家仲同爸爸磋商紧。”

他表示太太原本谂住顺产，但去到医院嘅时候个子宫颈仲未打开，未ready畀囝囝出嚟，医生建议落催生药，因为落咗催生药后会不时有阵痛，仲要系几犀利嘅阵痛。他说：“太太一路承受住痛楚，医生同护士亦都同佢讲子宫颈唔系好ready，唔ready嘅程度系，人哋有1至10度，我太太系1度都冇，太太内心失望之馀亦都好担心，当然佢亦都好期待囝囝嘅出现，但始终冇呢方面嘅经验，所以就会再担心啲。”

​结果思琳足足经历咗17个钟头嘅呢个状况先生，他亦有入产房剪脐带，他说：“我去到医院嘅时候，姑娘第一句就同我讲‘其实你太太真系好忍得痛，佢可以咁样顶，仲顶咗咁多个钟’，所以真系好佩服太太，同埋真系好多谢佢，一啲都唔简单，希望我可以继续好好配合佢嘅生活啦。”最后多谢大家、媒体对我哋一家人嘅关心、所有人对我哋嘅祝福，多谢晒。

思琳也在社交平台分享做妈妈感受，她指帮小朋友改了个乳名叫撑撑：“欢迎加入吴氏家族！” 她续说：“呢10个月以嚟唔知幻想咗几多次你系点嘅样，一直知你系大码B，只系估唔到有分量成咁，亦估都估唔到自己肚仔可以佗到个8磅11嘅BB，怪唔知催生咗17个钟你都唔肯出嚟啦，原来系大件到出唔到嚟。”

她形容今次生育过程真系痛不欲生，最难挨系好想顺产，但一直催生到开刀前都等唔到宫颈打开，她说：“净系不断地feel到剧烈阵痛，不过最后见证住你平安出世，呢样先系最紧要！”她仲好记得在产房，老公Deep爸爸听到囝囝第一下喊声，佢开心到好似中奖咁成个弹起，她说：“爸爸妈妈第一次为人父母，好多嘢都无经验，但我哋会尽量去学，尽量去做，畀我哋所有嘅爱同耐心陪伴你长大，希望撑撑你有一个开心嘅童年！”