钟欣潼德国转机被海关扣留 原因竟然系太靓！

etin

女星锺欣潼（阿娇）近年成功开拓内地市场，曾经身形暴胀嘅佢，早前为参加节目《乘风破浪》而积极收身，依家已回复昔日苗条身形！不过原来美丽都有罪，佢日前接受节目访问时，表示当年试过因太年轻同太靓嘅关系，喺德国转机时被海关扣留！​事缘有次佢飞去比利时参加朋友嘅婚礼，途经德国转机时被海关扣留，佢话：“就因为我们年轻又美丽，他以为我们去做一些不合法的东西。”佢表示有跟对方指自己系名人，但对方就一直调查咗好耐先放行：“我是赶飞机的，又没食物、又没房间、又没飞机，又给人扣关，真的是倒楣鬼上身。”呢次经历令佢印象深刻，依家讲番心情都好Sad呀！