陈茵媺新剧造型照曝光 自爆复工后坚持戴口罩瞓觉

etin

艺人陈豪与太太陈茵媺（Aimee）早前因细女Camilla不幸确诊，暂时停拍新剧《罗密欧与祝英台》（暂名），不过喺日前（14日）佢哋正式复工投入拍摄。而日前更曝光咗Aimee新剧嘅造型，见佢换上一头及肩发型，配以恤衫长裤短boot，右手手背更有纹身图案，畀人一种女强人嘅感觉，相当有型靓女。​而Aimee接受访问时，大谈囡囡染疫及隔离感受，佢话：“囡囡好坚强，但就发好高烧，头几日比较辛苦，可能系小朋友所以Touchwood都康复得好快。（源头搵到吗？）工人同司机感染先，可能唔小心带咗返屋企就传染到畀囡囡。其实都有少少惊慌，始终系小朋友病，仲要系细女，嗰阵刚开一日工，又会惊互相传染啦，又怕三个都中招又点呢，所以全程戴住口罩瞓觉！”