郑浩南承认与妻子婚变 暗指太太有第三者

etin

艺人张继聪、郑浩南及黄光亮等，昨日出席新戏《壹狱II劫数难逃》煞科宴。久违了的郑浩南表示6月中返港后已接拍了两部电影，觉得如今港产片制作跟以往分别很大：“变好咗啰。（今次留到几时先返马来西亚？）好多朋友话我锺意拍戏，应该留耐啲。”

及后他间接承认与妻子婚变：“呢个疫情搞到我屋企发生咗啲唔开心嘅嘢，试过16个月喺内地工作，去年12月中终于买到机票，打返屋企同太太讲可以返嚟，佢收我线，到我返到去已经人去楼空，佢叫我有乜就同佢律师讲。”郑浩南相当长情，透露其实9月18日乃结婚20周年纪念：“其实我乜嘢都写晒屋企人个名，我喺马国依家只系得番间祖屋。（有冇同一对仔女见过面？）好短时间啰。（涉唔涉及第三者？）好明显啦，不过唔系我呢方面。”

感情生变外，郑浩南早前右手四条韧带有7成撕裂，令他要在内地紧急接受手术，可惜康复未见理想：“如果可以再拣，我觉得喺香港做手术会好啲啰。依家我已经唔可以参加运动比赛，平时自己玩吓就冇所谓。”另外，他将相约“新艺城之友”黄百鸣及袁洁莹等敍旧：“袁洁莹生日嘛，黄百鸣建议我哋去睇多次《明日战记》，支持古天乐。呢套戏我已经睇过，起码值八十几分。”

而张继聪则表示今次无论剧情及拍摄都与以往分别很大：“好记得第一次拍系同古天乐合作，当时有晒冷气好舒服，但今次要去东南亚嘅落后监狱，热到冇空气咁，每日开工唔系坑渠就系泥沼，仲试过喺荒废咗嘅滤水厂开工。戏服方面夏天着晒长袖衫，我谂真系要停一停，下套拍文艺片啦。（想边个做女主角？）冇所谓，最紧要有冷气。”谈到下月举行演唱会，阿聪表示已开始准备：“上吓唱歌堂咁，不过呢排仲要去《饭戏攻心》谢票，都几忙。（几时闭关？见咁多人中招点开骚？）我彩排都戴口罩嘅，同埋我好宅，平时好少出街。”