姚焯菲同偶像张天赋合唱 确诊炎明熹拍片：我好孤独

etin

《叱咤乐坛Brand New Live生力军音乐会》昨晚（9日）在亚博举行，出席歌手包括张天赋（MC）、姚焯菲（Chantel）、ANSONBEAN、ERROR成员郭嘉骏（193）和梁业（肥仔）等。而原定有份演出的MIRROR成员吕爵安（Edan）、杨乐文（Lokman）及炎明熹则未能到场。

Chantel向来视张天赋为偶像，2人在音乐会中合唱两首英文情歌《Honest》及《How Many Times》，讲到合唱心情，Chantel表示很开心：“因为佢唱歌好好听，我有少少紧张，不过我之前上过呢个台，所以习惯少少。（喺MC身边开心多啲定系惊多啲？）两样都有，每次上台都会紧张。”对于Chantel的表现，MC指前一天有一齐彩排，大赞对方歌声悦耳：“唯一担心嘅位系有一Part，Chantel坐低听我唱歌，佢冇嘢做，惊个气氛尴尬。”问到两人会否有牵手等亲蜜动作，他们表示不会，问是否担心粉丝呷醋？MC否认：“唔关事，系导演意见，佢讲乜我做乜。（如果导演要你锡呢？）咁要问公司。”

对于好友炎明熹（Gigi）未能出席，Chantel坦言：“我有另一个Gigi（张蔓姿），我都有啲挂住佢，本来谂住一齐惊，佢依家应该喺屋企休息。本身我系同佢、MC一齐合唱。（你可以独霸MC？）我都有啲唔开心，但戥Gigi开心，可以喺屋企休息。”至于会否跟MC合照再传给Gigi看？MC指在后台有跟全部歌手合照。

有传MC会在红馆开骚，他保持神秘说：“根据公司指示系未清楚个场地，仲安排中，但相信系一个比较大嘅场。（你个表情好开心似有所暗示？）我好乐天，咁都恨喺红馆开骚。（担唔担心唔够歌？）都担心，所以要做多啲歌。我谂过唔够歌，就请啲歌星朋友做嘉宾。（你圈中人缘好唔好？）我都识好多人，但就未必系好熟。（你可以请李元元Lucy？）都得，佢有哼过我啲歌，或者可以为我伴舞。”Chantel被指有Lucy作为劲敌时，她谦称不够对方可爱，问MC会拣Lucy还是Chantel？MC笑言：“睇吓要乜，可爱就拣Lucy，唱歌就拣Chantel。”因确诊新冠肺炎未能到场的炎明熹持别拍片支持，见她戴眼镜及Cap帽上阵，精神不俗，她在片中清唱了两句新歌《焰》，并表示：“我已经好咗好多，大家有冇挂住我？我好挂住大家，我自己好孤独，希望快啲好番见到大家。”

​歌手ANSONBEAN坦言很迟才收到程序表，所以不清楚前后改动，但自己有4部分表演，对他来说是很大挑战：“我冇试过咁密集，所以都大压力，我将个骚嘅名刻咗喺屋企道门，将个骚视为我头号目标。（对自己表现满唔满意？）我冇试过喺咁大个场地表演，所以一开始兴奋得滞，到后面有啲攰，唔系100%，希望攞多啲经验，跳唱多啲，练多啲气，应付到更多呢类型演出，其实我唱完第一首歌完已经喘气，抖20秒又要唱另一首歌，好在冇明显大错误，觉得可以再进步，体能要练好啲，下次连续唱3、4首歌都冇事。”

问到有否计划开个唱，他表示会，但未肯定，讲到少了3个歌手演出，会否感可惜？他说：“我有谂过可以同Lokman同肥仔一齐合作，希望将来有机会，之前都未试过，今次喺肥仔身上学到好多嘢，佢好似师傅咁，之前《造星》佢都有编过啲比赛畀我，隔咁耐再相遇一齐表演，好珍惜今次机会，佢愈来愈劲，根基愈来愈扎实。”