被古巨基赞新世代实力唱将 MC笠高帽：假音都系学佢！

etin

古巨基音乐企划“I Really Love To Sing”第二炮请来MC张天赋合作，日前推出歌曲《自我安慰》合唱版，由于疫情反覆，最初基仔是透过短讯和视像通话跟MC讨论相关合作，直到“实体”见面已经是大半年后的事，基仔说：“我哋正式联络系旧年，依家大家见到MV出现嘅时候已经有大半年，因为疫情，所以过咗咁耐先可以郁番去录音同拍MV。”

提到受到基仔邀请，MC难掩兴奋：“我系超级开心！收到你message，原本个距离系好远㗎嘛，刹那间佢传短讯我喎！你谂吓有一日你瞓醒‘喂，我系古巨基呀……’嗰吓系好突然，用言语解释唔到，但系真系好surprise，同埋知道可以一齐录歌、去合作一首歌，哗！好有型！”

基仔直言对MC印象深刻：“每一个时代嘅乐坛都需要一啲好有实力嘅唱将，做一啲可以继续流传落去嘅歌。我听到MC唱歌嘅时候，觉得佢嘅能力系呢个乐坛、呢个时代，其中一位非常有实力嘅唱将，所以邀请佢一齐参与呢个Project。”当日他展开这个Project前，有不少网民“提名”MC，他说：“我就搵到佢一啲片段，有busking翻唱，最深刻嘅一段系佢喺间餐厅表演，我觉得喺餐厅个音响、环境各样可能唔算系最‘靓仔’嘅情况下，但佢都可以唱出咁‘靓仔’嘅声。”

MC坦言自小便喜欢模仿基仔唱歌，甚至假音也是从基仔中学习练成：“我练到假音真系因为听你啲歌㗎！好似《欢乐今宵》、《第二最爱》。”MV中，MC饰演舒文监制的助手：“刚刚一幕戏系我帮古Sir set咪录音，系一种同佢擦肩而过嘅感觉。”MC更解构《自我安慰》的MV，与之前的《飘流教室》是上下集的故事，大家看完便会明白。MV女主角再次找来柏安妮女儿许恩怡（Natalie）担任，基仔表示觉得Natalie演戏不错，MC则谓二人第一见面已经是于大澳拍摄那天，他表示很担心需要花很多时候让Natalie适应、warm up，但最后却来个反高潮：“喺大澳见到佢，佢第一句就‘Yo！What's up！’就过嚟击掌先喎！反而轮到我惊自己需要warm up啦，其实好快好顺利地就熟落咗。”非常搞笑。