黎诺懿减20磅望半年内骚肌：将黎家传统攞出嚟！

etin

艺人黎诺懿、刘倩婷及朱凯婷等昨日（4日）出席活动，活动主要以电脑游戏方式推广中国传统文化。活动大使黎诺懿带同太太及5岁囝囝出席，他説：“我个仔好锺意打机，佢知道我做咗大使，即刻同妈咪讲话要一齐嚟，佢喺嗰边打紧机，我都未见过个仔咁开心，打到老窦都唔认得，哈哈。（怕唔怕佢太沉迷打机？）都唔怕，佢哋嚟紧佢世代都系要面对呢啲虚拟世界，但时间会控制，而一啲基本嘅运动都需要佢做，例如熘冰同踩单车。”

见他清减不少，问到是否刻意减肥？他说“拍咗8个月《满足的味道》，我发现自己肥咗好多，变到好稳重，我明明偶像派嚟㗎嘛！”他指用了2个月时间，每天只有下午2时至6时进食，现时已减了20磅，又笑称希望半年内可骚肌，问他目标是否接拍内衣裤广告？他説：“你识货呀！将黎家传统攞出嚟，必属佳品，哈哈！”他指对上一次骚肌已是10年前结婚时，还指太太抱怨他身形走样：“佢攞住啲韩星嘅相问我‘人哋系艺人你又系艺人，点解你咁嘅？’，我答佢我哋路线唔同啰。”

至于刘倩婷为今次活动主办人之一，她表示一直推广中国传统文化，今次与其他单位合作，用电脑游戏方式可令小朋友更有兴趣学习。身为慧妍雅集会长的她，对港姐因有佳丽染疫而取消准决赛表示可惜，她説：“原本慧妍雅集有20位代表会出席准决赛，依家惟有决赛见，希望佢哋快啲好番，有病又要参选好辛苦。”她指适逢港姐50周年，加上慧妍雅集40周年，所以会尽力支持。