郭羡妮抱开放态度 不抗拒女儿入行选港姐

etin

艺人郭羡妮（Sonia）与陈国峰等，昨晚上出席儿童演艺表演活动，Sonia10岁囡囡Kylie亦是表演者之一，难怪这位“星妈”悉心打扮现身捧场，她笑说：“囡囡今晚表演体操，系佢自己主动提出要参加，我都有提佢表演时要注意嘅事项，点知佢嫌我长气！”

​对于囡囡富表演欲，Sonia采开放态度，直言他朝对方想入行或参选港姐，自己亦会支持。至于新工作，Sonia坦言：“全职休息同凑女先，都可以拍吓广告、做吓轻松嘢，但暂时唔水谂拍剧住嘞，一来太辛苦、二来发觉自己记性唔系几好，唔可以再飞纸仔读剧本嘞，拖慢人拍摄进度就唔好啦。（计画隔几耐之后先再接戏？）随缘，呢啲嘢睇完缘份，咁我都冇关自己后门嘅。”

对于主演剧集《冥冥之中》收视差，Sonia表示未有介怀：“拍完我就好开心㗎嘞。（下次小心啲选择剧本？）我觉得个剧本好好喎，至少系我嗰part，其他人唔知。（咁点解得咁嘅成绩？）我觉得系角色、支线太多，咁会影响咗观众追剧。”至于香港小姐踏入50周年，Sonia表示无綫有联络她希望“出手相助”，可惜时间上难以配合，最终她唯有婉拒。