冯盈盈期待与丁子朗擦出火花 否认新剧“执二摊”

etin

艺人冯盈盈与丁子朗（丁丁）昨日（27日）出席婚纱展活动。谈到即将于下月合作，开拍新剧《妳不是她》，二人表示相当雀跃。原来2016年二人同时当选港姐及香港先生，但多年来合作机会不多，盈盈表示：“对上一次系两年前嘅《逆天奇案》，都几期待今次合作会擦出火花。（套剧未开发都已经好多消息喎。）多谢大家关注，都系好事嚟。（你哋有冇亲热戏？）其实我哋连剧本都未有，只系开过会知道故事大纲。”

​对于“执二摊”之说，盈盈表示：“徐先生（无綫戏剧制作总监徐正康）已经回应同交代咗，我唔需要再讲，不过我收到演出通知已经一段时间。（执二摊嘅消息传出，会唔会影响妳嘅心情？）传闻啫，我冇放喺心。（被解冻喎。）有咁嘅事咩？其实我一直忙紧工作，只系有啲节目未出街，好似呢套剧咁，未官宣都惊泄密，所以唔敢讲太多。（但妳冇拍剧差唔多两年，需唔需要热吓身先？）好多前辈都好专业，唔需要热身，虽然我冇佢哋咁叻，但相信都唔会有太大影响嘅。”

而丁丁则力挺盈盈谓：“我见佢都拍咗好多综艺节目，好忙㗎。（你一早已经知道拍剧对手系边个？）真系唔清楚，有时你哋（记者）啲消息仲快。（咁你想同陈自瑶定盈盈合作多啲？）咪跣我啦，不过今次能够同盈盈合作极开心呀。”丁丁透露虽然未有角色详情，但已收到监制提示开始健身：“佢话最起码要操背，同埋叫我哋稳定啲舒服嘅运动衫。（有信心回复2016年嘅身形？）希望啦，最紧要到时真系要除衫嘅话，唔好失礼街坊。”而同场的洪嘉豪亦吸引大批粉丝拉队前来捧场，演唱时俨如小型演唱会般，事后他又相当识做，与粉丝大合照。