黄浩然狂操肌准备参加3项铁人赛：依家系我人生最Fit！

etin

艺人黄浩然昨午（27日）出席代言活动，提到日前（25日）刚过去的47岁生日，他开心表示：“老婆亲自下厨，整咗好丰富嘅韩国餐畀我食，仲送咗部肌肉纾缓机畀我，两个仔就画咗幅铁人画，真系冧爆！”他笑言自己去健身亦有意外惊喜：“我踩踩吓单车，啲朋友推咗个蛋榚出嚟，我边做运动边切蛋糕。（咩生日愿望？）快啲唔使戴口罩，身体健康，身边有人中招好无助，同埋希望多啲电影工作。（嚟紧有乜新工作？）拍电影，不过详情未公布得住。”谈到明年4月参加3项铁人赛，他说：“朋友问我做咩依家咁早已开始做准备，但我想趁放假做定先，依家系我人生最Fit嘅时候，脂肪比例5点几，因为操肌戒咗好多年嘅淀粉质都照食，大家好羡慕我。”问到最满意身体哪部分，他笑言是头发：“其实我都试过头顶头发稀疏，依家身体状况好咗，头发亦多咗，我都好紧张啲头发㗎。”