梁靖琪2岁囝囝表演芭蕾舞 天生唔怕丑行搞笑路线

etin

艺人梁靖琪（Toby）、胡诺言夫妇，及陈柏宇夫妇昨日（27日）陪同自己小朋友，到新光戏院参加芭蕾舞学院表演。Toby笑言比2岁囝囝更紧张：“原本冇乜嘢，但个个都问搞到我都紧张埋，其实我开头都觉得阿仔唔得㗎，2岁几之嘛，但老师影咗条片畀我睇发现佢跳得唔错喎。”她指囝囝筋骨似老公一样绷紧，想他多郁动所以带他学舞，她表示儿子天性唔怕丑又跟她汇报班中有很多女同学，又懂得搭人膊头，遗传了她蛊惑一面：“佢依家识反白眼，又会专登叫错人个名，我爸爸话佢系行搞笑路线，佢好识凼人。”谈到工作，她指预备进军饮食界，问到会否太困身冇时间照顾家庭？她説：“今年出咗月饼，因为有个好拍档，我主力做推广，多咗时间凑仔。”

至于胡诺言与太太陈淇就陪同3个小朋友，以及胡诺言姪仔一同到场表演，胡诺言表示疫情下小朋友少了活动机会，他说：“好感恩，难得有机会畀佢哋郁动吓，冇可能叫佢长时间留喺屋企。”他指看小朋友彩排时令他回想当年的自己：“睇住佢哋好似鸭仔咁坐晒喺度听老师讲解，好有共鸣，好似自己当年台庆采排嗰阵咁。”陈淇表示囝囝今日表演打功夫：“佢依家学紧咏春，但我一路都睇唔到佢叶问上身。（有冇同佢切磋吓？）唔好啩，我同佢练黐手算啦，哈哈。”胡诺言表示囝囝有跟功夫教练学习：“当然个师傅专业佢自己就唔专业啦，畀佢试吓。（有冇叫爸爸同佢练习？）梗系冇啦，不过有叫佢表演吓睇吓学成点，啲学费都好贵嘛，哈哈，点都要畀啲嘢爸爸妈妈睇吓。”