胡定欣获粉丝专程撑场 搵定“情人”过生日！

etin

9月9日生日的胡定欣昨日（26日）为无綫剧集《白色强人II》宣传，粉丝们穿上印有定欣在剧中名字的医生袍，并送上花与蛋糕为她庆祝，非常有心，而活动后定欣即场捐血。她透露今次是第一次捐血：“感觉好荣幸，今次系剧集最后一次宣传，喺众目睽睽下捐血，剧中身为院长嘅我要身体力行出一分力。我向来都有做身体检查，有抽过血，我唔惊血，但捐血支针真系粗啲，拮针嘅时候我都唔敢望，拮嗰吓系有啲痛。不过捐血嘅时候有人同我倾偈分散吓，所以啲血都好流畅，我身体状况OK，之后会定期去捐，尽少少绵力，捐血系一份心意。”

讲到生日，定欣表示以往都会跟粉丝搞派对庆生，但因疫情而停办，故粉丝趁今日活动而专登到场，问到生日愿望？她说：“希望剧集结局嘅收视创高峰，能够拍呢套剧系一份好好嘅礼物，过程获益良多。（生日有冇机会二人世界？）我都想有，呢2个星期我努力吓，其实我啲好朋友就系我嘅情人，佢哋冇时间都要陪我，（胡）杏儿最近都返咗香港，想趁齐人少少聚吓。（开始连串庆祝活动？）薇薇（林夏薇）趁打风唔使开工预早同我庆祝咗。”