孙慧雪儿时培养画画技能 目标开画展出绘本

etin

女星孙慧雪除了演戏专长，都做过歌手开骚，原来雪雪最锺意画画，经常在社交网分享其扫描画作，日前她就施展15分钟内速画的技能，雪雪说：“其实嗰日我系拍紧一个网上节目，其中一part就系画画，因为赶住拍摄，我系喺10-15分钟完成咗呢幅画，我老公话：‘唔似你喎，画幅咁渣嘅画。’我话啲人话靓，因为呢幅系速画。”

雪雪由细到大都好爱画画，对画画系最有信心，她说：“细个系嫲嫲照顾我，佢可能担心我，成日唔畀我出街，所以游水、踩单车呢啲都系大个先学，喺屋企就系画画，幢墙同床单都畀我画晒。”入行后她画画时间少了，但画画时候她觉得好轻松，也是她减压方法，她笑说：“有时我画完喺网上开心share，都会有人怀疑系咪我画，好搞笑。”

曾经有人邀雪雪出绘本及搞画展，但因为工作及照顾小朋友，暂未有时间去做，不过她都有个目标：“想做个小型画展，或者开间studio畀我自己去创作呢方面嘅嘢，因为之前我都有自己设计figure，由画咗草稿，跟住整3D图，再搵厂整模，然后自己去喷去上色，佢哋叫做Designer toy，系要逐只逐只上色，作限量发售，之前喺香港同台湾嘅玩具展都有展出过。”