男女神发力互撼 舒淇陈坤企埋一边吹水都有张力

etin

性感女神舒淇与男星陈坤向来都以兄妹相称，不过佢两个嘅外形真系衬到绝，虽然现实中唔系情侣，不过大家都好锺意睇佢哋嘅幕前CP Feel，就好似近日佢两个齐齐去到一个品牌活动，两个人行行企企之际，被大会摄影师影低佢哋对视一幕，竟然影出电影剧照嘅戏剧张力！二人同样着上深色礼服示人，舒淇就以Low Cut贴身长裙展示妩媚一面，加上全身上下珠光宝气都令人眼前一亮，而陈坤就西装骨骨，似足风度翩翩嘅气质王子一样，点知佢两个喺活动上求其企埋一边吹水，呢一幕就被摄影师影低，出嚟嘅杰作竟然似足电影剧照，唔只又衬又有Feel，佢哋仲故意Chok住倾偈，一辑相睇到网友晕咁滞，果然厉害。