宣萱得番半条命都撑古天乐 周秀娜最想演科幻片

etin

艺人宣萱、周秀娜、魏浚笙（Jeffrey）、张继聪及谢安琪等，昨晚（22日）现身《明日战记》慈善首映礼，身体力行力撑古天乐。久违了的宣萱受访时更表示：“得番半条命都要嚟，今晚一早已经Mark咗期，都真系几期待。”她透露早前拍摄《寻秦记》电影版时，曾有幸睇过《明》片少少预告片：“觉得好紧张，同埋佢哋嘅CG做得好劲。（点解唔叫古仔预埋妳演出？）当时都唔记得签咗佢未，如果有下一次，记得预个小角色畀我，唔见样都可以。”

谈到近期工作，宣萱表示：“返咗内地3个月，做咗3个带货直播，都觉得几好玩，OK嘅。（你带啲咩货？）全部都系我拣，要用过先推荐畀人，唔想做差自己嘅名声。我都同有关方面讲明，赚唔赚钱唔系最紧要，希望观众买得开心。（内地啲带货，每次做足6、7小时喎。）第一次我都做到声沙，不过我当佢同观众倾偈咁做，有次仲笑到收唔到声。”

另外，周秀娜表示自己刚完成两套剧集的拍摄，不过未有选择放假，近日反而再接拍新片《爆裂点》，与“大反派”谭俊彦饰演一对。她坦言：“呢部系男人戏，所以我占戏唔多，不过觉得角色有发挥，所以都想参与。”她今晚特意前来捧古天乐场：“我都好欣赏同尊重古生，自己都锺意睇科幻片，日后能够参与一角就更加好。”​