锺欣潼豪队3支茅台未惊过 合照隐藏阿Sa有原因？

etin

综艺节目《乘风破浪》月初选出新“女团”攻娱乐圈，当中人气大热Twins成员锺欣潼（阿娇）同蔡卓妍（阿Sa）梗系齐齐成团，依家佢哋就长留内地拍摄“团综”，仲可以成日同《乘风破浪》入面嘅姐姐Meet up，寓工作于娱乐！阿娇前晚（18日）就晒出多张合照，见佢同《乘》好姊妹朱洁静揽到揽颈系咁合照，当中阿娇仲着上超减龄嘅白Tee加工人裤造型，成个人Young咗10岁，加上佢个靓样，简直系状态大勇，并留言：“跟朋友聚会就是开心。”不过有粉丝就发现女神明明Tag咗阿Sa，不过啲合照就未见踪影，仅喺大合照中见到戴上口罩嘅阿Sa，即追问佢隐藏阿Sa系咪有原因。另外，又见到佢同金马影帝徐峥嘅饭局相，更惊讶见到阿娇晒出一张枱上摆有最少3支茅台酒嘅相，枱上更有多支已经饮晒嘅洋酒樽，即惊叹女神原来系饮得之人！