凭歌曲《早上37.2度》获得第二首“五台冠军”歌的泳儿(Vincy)昨日(10日)推出全新作品《18步半》,新歌的名字来自经典电影《8½》。回望过去,Vincy已经推出了18张专辑,新歌亦是她音乐企划Bloody Project第2首歌,填词的周耀辉便想到不如就叫《18步半》,18张专辑之后再走前,“半”是不可测、是还有、是更多。
上一首《早上37.2度》之后,Vincy找了同名电影来看:“我先知道女主角嘅性格会因体温改变而改变,对我嚟讲,好奇妙!”负责意念和歌词的周耀辉就先为这个企划的第2首歌定下主题,她表示“精神分裂”这个主题可以说是源自她:“我觉得做咗咁多年人,好多时候大家都会讲:‘一定要做番自己。’但当你不停咁成长、有唔同嘅经验之后,你会发现你内在唔系净系得一个自己。有时我哋可能会讲:‘你唔好改变自己嘅初衷呀,你一定要忠于自己。’但系呢样嘢系咪每个人都可以做得到呢?我觉得好interesting嘅就系你唔一定要去改走你自己嘅嘢,反而你应该要变更多嘅自己嚟到去适应唔同嘅环境。”
她认为精神分裂其实是每个人的缩影,无论面对家人、朋友、同事等,都不会以同一方式对待:“面对唔同嘅环境、待人处事嘅时候,我哋都会分裂出好多唔同嘅自己,先至可以成为一个更好嘅自己。”至于MV则仍然沿用Vincy喜爱的Sheng班底,并以4个角色、5个造型包括杀手、被追杀者、破坏者及建设着乌托邦的天使者去呈现故事,是她入行以来,转最多造型的一个MV。
她表示:“MV入面我系饰演一个精神分裂者,咁多个造型入面,我自己最锺意杀手造型,因为我一直都好想做一啲类似杀手或者变态嘅角色,所以今次终于喺MV入面可以过吓戏瘾。同埋成个造型同我都好大嘅反差,最深刻系呢个造型。”新歌亦加插了不少舞蹈,对于有“跳舞困难症”的Vincy来说,亦是一大挑战,她谓:“所以我花咗好多extra嘅时间同埋心血去跳,加上今次摆咗好多自己意见喺跳舞嘅style,仲有同排舞师好紧密咁合作,去create呢一只我自己想要跳嘅舞种。”
|