姜涛退休有数讲 专心做演员

etin

人气男团MIRROR成员姜涛主演之英皇电影《阿妈有咗第二个》将上映，虽未知他会否现身首映，但之前他录下宣传访问独家曝光，其中对“退休计划”有所微调，更扬言不做歌手可做演员，因喜欢演员可放下“偶包”，专心做喜欢的事！

​MIRROR自演唱会发生事故后，12子面对入行以来最大的阴霾，需要时间振作，众人仍在努力中，而姜涛、Jer及毛舜筠主演的英皇电影《阿妈有咗第二个》将于本月10日举行首映，目前未知姜涛与Jer会否现身，不过众演员之前曾拍摄制作特辑，分享了拍戏的点滴，其中姜涛受访时谈到“30岁前退休计划”更因想继续做演员而作出微调。当被问到是否喜欢演戏时，姜涛表示：“以前我成日都话想退休嘅，我依家会话我可能唔做歌手，走去做演员。因为发现演员嘅生活比较自由，冇咁多框框框住自己，做偶像嘅身份可能就会比较多规限，会冇自己嘅生活，觉得做演员会好玩好多。”

第一次拍电影，当然需要慢慢探索，亦会有不少新的想法，由拍摄第一日到煞科，姜涛对演戏的想法都有所改变，由充满怀疑到变成一埋位便入戏，过程非常有趣，他说：“我觉得每个作品里面都一定有遗憾，但就系呢啲遗憾，先至会令我更加想喺下一次演戏嘅时候做好啲，拍戏一开始会充满怀疑，到中段慢慢信任个角色，去到后期一埋位就变成个角色，我觉得呢个过程好好玩。演戏比我想像中好玩，我日后都想继续尝试演戏。”姜涛直言自己距离真正的演员还有很远的路，但会努力：“见到毛姐（毛舜筠）之后，发现演员真系唔系一个随便嘅职业，你一定要好尊重呢个行业。”

Jer：再痛都要move on

至于Jer在片中饰演毛舜筠儿子“子轩”，于破碎家庭长大。对于这个角色，Jer直言初初难以理解：“其实我同‘子轩’系有落差嘅，佢经历咗好多嘢，本身我来自一个happy family，爹哋妈咪都好支持我，我冇谂过喺一个破碎家庭长大系点，好彩我本身个人比较感性，好容易代入到角色嘅感受，我都feel到如果爹哋妈咪分开系真系会痛，虽然好痛，但要学识move on去接受。”

毛舜筠拍出默契

至于电影两位女猛将，导演彭秀慧以及影后毛舜筠，今次合作可谓惺惺相惜，毛舜筠直言：“我好锺意同一个演员出身嘅导演合作，因为做过演员嘅导演系容易啲捉摸到个角色、演员嘅表达，特别系呢套讲关于女性嘅电影，系有一种默契。”

彭秀慧亦指与毛舜筠合作得十分愉快：“由第一日倾呢个古仔，我发现‘原来女人真系可以好啱倾’，然后喺拍摄现场嘅时候，我要导毛舜筠你估冇压力咩？梗系有啦！但好奇怪系佢冇畀到压力我，而当佢有少少认同我，例如我有时会讲‘呢个take冇上个take咁好’，佢会话‘我都觉得系’，呢啲就系我哋共同嘅判断、近似嘅睇法，于是个信任就建立起嚟喇。”