汤洛雯认与马国明同居 爆有争拗但男神嫁得过

etin

艺人汤洛雯（靓汤）昨日（5日）出席商场活动，久未露面的她透露拍完剧集《隐门》后，由于患上胃炎，休息了一个月调理身体：“个病唔系好严重，只系比较难断尾，要食得好清淡。（休息期间有冇捧男友马国明嘅《白色强人II》？）都有追，要支持吓。”

​近日马国明被爆与她同居，靓汤称因为当时疫情严重，所以跟马国明一齐搬出来住：“依家疫情冇咁严重，我哋都成日返自己屋企，可能租一年就唔再租。（同居生活点？）都OK，因为大家都唔系难相处嘅人，大家都好就得人，佢冇乜要求，我又冇所谓。（有冇争拗？）冇情侣系冇争拗，大家有咩事都会讲出嚟，唔会闹交。（佢嫁得过？）向来都系以结婚为大前提先拍拖，都有讨论过结婚话题，但依家咁时世咁混乱，唔想计划住，结婚系开心事，唔会隐瞒。”

另外，汤靓表示将到澳洲工作半个月，笑言男友可能觉得很自由及开心，但直言原本想过2人一齐同行。讲到父亲汤镇宗受访时建议她离巢，她解释：“佢唔系叫我离巢，佢想我边度都去发展吓，好似公司都安排同事去内地工作，我嚟紧都去澳洲做嘢，唔一定要离开公司，而且我同公司嘅约仲未完。（你想返内地发展？）边度有商机都想去，去边都冇所谓，以香港为基地，边度有工作就去边。（要同男友分隔异地？）可能佢去内地发展先过我呢！”