为“陈太”连诗雅补祝生日 老友黄翠如陈自瑶谂计送惊喜

etin

歌手连诗雅（Shiga）自宣布同男友陈家乐订婚后，心情靓爆，工作一浪接一浪。而喺上月生日嘅佢就于昨日（27日）喺社交网晒出靓相，见老友黄翠如、陈自瑶（Yoyo）买咗个靓靓蛋糕同气球帮佢补祝生日，非常开心。Shiga仲好感性咁喺贴文写到：“虽然这一年大家聚埋嘅时间少咗，有时不同时间不在港，亦会受疫情影响，有时忙于工作，但还好现在科技让我们不能见都能够紧密维系，继续互相勉励、继续互相关心、继续互相成长，谢谢你们为我补祝，Love u girls！”而翠如同Yoyo仲偷偷将蛋糕摆落雪柜，叫Shiga打开雪柜攞嘢饮送惊喜，仲话3个争啲倾通宵，完全感受到佢哋感情非常好！