高海宁望《童时爱上你》一角夺视后 自爆两度经历情绪病

etin

艺人高海宁（高Ling）昨晚（23日）出席“全港时尚专业女性选举”，父母及姑姐亦有到场支持。高Ling以一身黑色晚装上阵，对获奖表示荣幸：“面试要回答好多问题，我都有作出反思，例如将来有咩计划同埋点样回馈社会，我当初入行都系凭住一腔热血，希望可以将呢份毅力，同时下年轻人分享，佢哋有好多想法，但未必得到支持，我想睇吓点样帮到佢哋，我觉得趁年轻乜都要试同拼搏一下。”她指由于曾经历过情绪病，因此希望透过自己的职业，让更多人关注情绪问题：“我认为精神健康比身体健康更重要，但好多人都忽略，尤其大家生活都好大压力，所以要多关心身边人。”

高Ling称曾两度经历情绪病，试过几次鬼剃头及脱发，甲状腺又有问题：“最严重嘅时候试过收埋自己，消失人间，所有人都搵我唔到，唔听任何人电话，呢个状态维持咗半年。有段时间我公公过身，我不停喊，喊到要睇医生求助，最后都系要靠自己挨过，冇人可以帮到你。真系要经历过先知，自己要点样去调节心情，所以我希望接到情绪病或精神病嘅角色。（惊唔惊拍呢类角色令你情绪病复发？）我都惊，但唔想畀自己有限制，我经历过所以会演得更真实。”

另外，讲到其主演的剧集《童时爱上你》昨晚大结局，她透露收到很多观众留言，令她大受感动，所以忍不住开直播跟大家分享感受：“个角色得到好多人锺意，剧集得到好口碑，令我好感动。（系你最锺意嘅角色？）系，因为发挥好大，而且角色有唔同阶段，好多位要拿捏得好好。好多网民都话唔舍得，佢哋去到无綫官网留言，希望剧集有续集、电影版或番外篇，又话希望变成处境剧，咁就可以日日睇到。（有冇信心凭呢个角色攞视后？）都有人咁讲，终于可以冲下视后，有机会都好，希望得啦，观众认同好重要，今日攞完呢个奖，希望年底又有奖攞。”

对于好友王丹妮获金像奖最佳新人奖，高Ling直言戥对方开心，正相约好友食饭庆祝，笑言若自己获视后就跟对方有得挥，之后又正经话：“朋友唔系咁比较，见到佢有成就好开心，知道佢有好多工作安排。（想同佢合作？）希望古天乐搵我拍电影啦！（金像奖最佳男配冯皓扬入咗无綫艺训班，你会唔会做星级导师？）吓，佢系最佳男配喎！我期待合作多啲，等我攞咗视后再算，我哋公司有好多好演员可以去教，例如陈豪同黎耀祥。”