杨卓娜拍剧压力大到患情绪病 暂别剧组10年

etin

艺人杨卓娜喺2001年参选港姐后入行，不知不觉已经过咗21年，佢日前接受《星光路上》访问时，讲番自己入行时嘅经历，佢话最初拍剧嗰阵由于从未上过演技课程，连“走位”都唔识，愈演愈差系咁NG，搞到佢对镜头有恐惧，唔敢再演啦！佢自爆当时收到有工开嘅电话，竟然会惊到震，要谂用咩方法去推Job：“返到去会好辛苦，我觉得冇病都变到有病。”最后佢压力大到患上情绪病，令佢决定暂时摆低演员身份：“当时我感到非常自卑，觉得我失去咗自己，好想搵番个自信心返嚟先。我好大胆同公司反映咗，想要去到另一个工作岗位，去做主持，等自己唔怕镜头先啦，点知一去就去咗成10年。”杨卓娜生完BB后，获得监制梅小青尝识重返剧组，重拾演员身份，佢感谢惠英红教识佢要锺意自己份职业先会做得好嘅，令佢可以适应演员身份。