Twins孖住夜蒲有神秘男陪 容祖儿激励阿娇瘦腰

etin

艺人蔡卓妍（阿Sa）、锺欣潼（阿娇）依家正为真人骚节目《乘风破浪》参赛，不过人唔可以永远都只埋头工作，有网友就上载短片，指自己喺长沙一间夜店偶遇到Twins孖住一齐去蒲！片中见到Twins齐齐以黑色贴身Top出巡，虽然戴上粉色口罩遮样，不过都遮唔住佢哋嘅光芒，网友更留意到二人身旁就多咗位同样戴上同款口罩嘅高大男子同行，佢以白Tee上阵，同样引人注目。

而喺最新一集《乘》入面，二人好友、曾参加第二季嘅天后容祖儿（Joey）就做神秘嘉宾，搞到阿Sa、阿娇都好惊讶！今集入面，就见到“龙虎豹”聚首宿舍吹水，当中阿娇身穿高腰短袖衫，Joey突然好认真咁同佢讲：“阿娇，既然条腰（都瘦）返番嚟，唔好畀佢走啰。”令阿娇唔好意思咁摸摸自己条腰，大笑：“会再瘦啲。”身边嘅蔡卓妍（阿Sa）亦落力大赞佢瘦身有成果：“我觉得二公嘅时候最瘦。”阿娇就无奈表示：“有啲压力，食得太多。”网友都狂赞三女感情十分好，仲话呢啲肯讲真话嘅朋友真系好难搵，希望佢哋友谊永固呀！