刘青云演“癫佬”出神入化 跳楼爬车顶冇难度

etin

演“癫佬”角色演到出神入化的刘青云，于英皇新片《神探大战》遇上合作无间的导演韦家辉，为他度身订造不一般的神探角色，除了要面对空气演戏，还要应付连场动作戏，不过青云表示体力上的劳动，远远不及精神上的痛苦。

青云与韦导早前接受访问时，大谈拍摄该片的点滴，谈到片中芸芸场口中，既要跳楼又要爬车顶，是否青云从影以来最辛苦之作？他说：“辛苦系精神上，因为角色几复杂，咁多动作最辛苦就系跳海之后，如果着潜水衣都帮到浮，但我著住5、6件衫，落水后问题就出现，等摆机位时间，我个人开始沉，10几分钟入面我要不断咁游，一郁所有嘢都抽住。”更指拍摄开场跳水渠一幕，大队移师内地一个真急流地方取景，由于水流实在太强，令他无法站立，还要出动吊威吔协助，笑言一不小心，分分钟被冲返香港。

对于片中经常对住空气演出，他于家中练习时有否吓亲太太郭蔼明？青云笑说:“佢习惯咗，我好多时都系谂紧嘢，个脑不停运作容易啲，大部分演员都系不断思考角色，剧本冇写都要谂（投入咗好难抽离？）我唔去分，有啲嘢自己溶化或者系会带唔走嘅。”被韦导形容为犀利演员的他，可认为演技已去到无可挑战的地步？青云表示：“我又唔系神级，撞到叻嘅人先有咁嘅演技，我唔敢讲一定会做得好，但唔好睇剧本，决定点去演先睇，希望有少少嘢刺激到自己（依家唔接普通剧本？唔系，有时拍开觉得可以试下，唔拍开会想去旅行，但每次拍完韦导作品都会学到一啲嘢。”

对于过去两年多疫情，青云不讳言有一年时间零工作，变相与家人相处增多：“从来冇咁长时间对住太太，睇清楚娶咗个咩人，系个好女人（有冇挂住拍戏？）初初冇，因为疫情问题，曾经谂过就咁唔做，后来时间愈耐，有时间睇剧，觉得自己又返嚟啦！”而对于青云评价甚高的韦导，直言对方经常有给他深刻的表现：“呢个演员唔只要求做到，仲可以帮到你创作，所以唔好咁便宜佢，要拍啲嘢令佢都觉得系难，唔系留难，系观众都想睇（角色非佢莫属？）如果换另一个会浪费好多时间，用佢系好满意，搵咗主角要不停教佢演戏系灾难，我创作方法系冇剧本，佢接受咗可以马上畀番啲嘢你，好难搵到另一位演员咁样。”