同马贯东拍床戏有晒默契 江嘉敏被“吟”到毛管戙

etin

艺人薛家燕、朱䝷贤、江嘉敏、麦美恩及曹永廉等，主演无綫贺岁剧《黄金万両》昨日（13日）于电视城开镜拜神。当时气温高达34度，加上每人身上厚厚的古装打扮，演员热到大汗叠细汗。

江嘉敏今次于戏中与马贯东被配成一对，她笑言夫妇俩负责“浪漫担当”：“阿东喺戏里面系读书人，我都算系金枝玉叶，只系背后有故事，所以阿东成日对住我吟诗作对‘谈情’。（觉得好肉麻？）因为系诗句，如果唔知背后嘅用意冇问题，只系查明意思嘅话，都真系有啲毛管戙！”她又“剧透”稍后将拍摄浪漫戏，当中包括床戏及吻戏，幸而自己与阿东以往已试过同剧合作，故有默契。她又明言现实生活中，自己绝不是浪漫型女生：“好似都冇乜遇过啲好浪漫嘅男朋友。（锺意啲实干型？）又唔系，最紧要适当嘅时候做适当嘅嘢，拍拖浪漫都系必要嘅元素。”

而麦美恩近日拍剧及综艺两忙，故感激幕后同事肯为自己档期而作出迁就。她今次剧内扮演薛家燕长房媳妇，与曹永廉配成一对，剧情更交代她“鳄鱼头老衬底”，人前御夫有术，反而阿廉变成小男人！问到现实生活中是否“话事女友”，她笑答：“希望唔好，我都想小鸟依人。（拍拖未？）冇呀，因为真系好忙。”她又透露戏中出身赌坊：“但其实我自己对打麻雀一晓不通，如果同家燕姐佢哋竹战，相信系最渣嘅一个。”

至于朱智贤则指自己首次拍古装：“感觉几得意，细个时都有谂自己演古装会系点，起初都有啲唔习惯，今次我仲染黑番啲头发。（咁热开工，中间冇时间冲吓凉？ ）冇，好彩暂时都未闻到臭味，哈哈！”