连诗雅搞婚礼预咗有磨擦 阿妈讲明唔畀同居试婚

etin

艺人连诗雅（Shiga) 昨日（10日）在新蒲岗出席《MIKIKI •Summer Skycation 》揭幕礼。Shiga的未婚夫陈家乐最近返到内地拍戏搵老婆本，她便要担当起“母职”到男友家照顾其爱犬，准人妻被问到可希望生BB做妈妈？她说：“唔会咁快啦，因为婚期都未有，同埋处理婚礼都需要好多精力，见朋友处理婚礼仲会有磨擦。”

问到她筹备婚礼可有磨擦？她说：“佢依家唔喺香港，所以都未倾到，坦白讲两个人一齐就唔会冇磨擦，不过，我哋都搵到一个健康方法，冷静去解决，同埋我哋都系唔锺意冲突，见开始有磨擦，就会冷静咗先再去倾。”可会同居试婚减少婚后一齐的生活问题？她说：“因为我妈咪唔锺意，得我一个女，唔想我结婚之前同居，所以好多人都唔信我咁多年来都冇同居过。但系妈咪都系一个好开明嘅人，情侣之间去对方屋企、旅行佢都会谅解，只系一齐住就唔得。”

家乐在内地工作预计逗留两三个月，她指惟有靠视像保持见面：“因为都唔第一次要分隔，平时大家都会约埋一齐视像食饭或者一齐同步睇戏。”笑问两人可会相约一齐“鸳鸯戏水”？她说：“梗系唔会啦，呢个网络世界你拎住个电话去冲凉，除咗对方，唔知会有几多百万人会喺大气电波睇到，所以真系危险，就唔好喇。”讲到她的师妹邢慧敏成为热门候选港姐，她说：“戥佢好开心，虽然同佢唔算非常熟，但觉得佢系一个好有爱心嘅女仔，希望佢好好享受比赛，对自己有信心，笑多啲。”